I.
« Poqwè, diâle ! laîs′ lë crâne[1] coru
Po rispaumer one mére assiète[2] !?
Ni saîs′ qui lès bâradjes sont stantches[3] ?
Qu’i t’ faurè râde fé dès vôyes d’aîwe[4] ?
II.
Poqwè, Bon Diè ! n’as′ nén choflé[5]
Lès lampes-tèmwins dèl grande tévé ?
Ni l’ wachleû-batrîye[6] dë t’n éndjole !
Ni co l’ tchèrdjeû dë t’ sûtifone[7] !
III.
Poqwè, grand sint Matî d’Ârdène !
Faîs′ do cint-èt-trinte së lès vôyes
Èt frin.ner come on′ èwaré,
– sauyî dès mérpouchêres[8] è l’aîr –
Po-z-ariver deûs s'gondes pus timpe ? »
IV.
« Tèl pous r'waster, t’n ècostrindadje !
I gn'gn a waîre qui s' ritoûn’nut d' ça.
Min.me si tote l’Eûrope prind astème
Gn-a l’Azîye, gn-a l’Afrique qu’ont swè
D’ôtos, dë plastikes èt d’ ovrwès.[9] »
« Pôve Bole, Mâria ! pôve Bole, avou !
« Ècostrindu », c'èst l' noûmot qu'a gangnî l' bate dë noûmots dèl Fièsse aus lingadjes walons è 2024.