Aidance:Rotaedje

Wikisourd ni rote nén vormint come els ôtes Wikis. Cisse pådje ci vos dene des esplicåcions sol rotaedje di Wikisourd.

Po les egzimpes ciddé-après, on s’ va dire k’ on vout riscrire ene ouve (ki n’ egzistêye nén) kel tite c’ est Ene avinteure so Wikisourd, sicrîte pa ene djin (ki n’ egzistêye nén nerén) lomêye Djean Nolu eyet k’ a stî scrîte e 2020.

Cwålité des riscrijhaedjes so Wikisourd

Li politike so Wikisourd est di rpasser deus côps, tot l’ moens, so on scrijhaedje po-z acertiner li riscrijhaedje : on prumî riscrijheu coridje, on deujhinme acertene (u rcoridje s’ i fåt). Çoula n’ est possibe ki si les deus riscrijheus on l’ tecse d’ oridjinne divant les ouys. C’ est po çoula k’ so Wikisourd i fåreut todi riscrire sol båze d’ on facsimile (PDF, DJVU, JPG,…). Çou n’ est nén ene obligåcion, mins sins facsimile l’ aveurixhaedje est målåjheye.

Espåces di lomaedjes a cnoxhe

Mwaisse espåce

Cist espåce la n’ a pont d’ betchete, metans : Ene avinteure so Wikisourd.

C’ est la k’ on mete les scrijhaedjes. C’ est l’ espåce des lijheus, ki n’ boutèt nén so Wikisourd.

Oteur

Avou l’ betchete Oteur:, metans Oteur:Djean Nolu.

C’ est la k’ on mete les racsegnes so l’ oteur : no, date di skepiaedje et di moirt, ene imådje. Si vos cnoxhoz Wikidata, voz ploz mete ces racsegnes la låvå ey eployîz l’ modele oteur. On mete eto l’ djivêye di ses scrijhaedjes (ses ouves), avou des hårdêyes so Wikisourd

Indek

Avou l’ betchete Indek:, metans Indek:Djean Nolu - Ene avinteure so Wikisourd, 2020.djvu.

C’ est la k’ on mete li facsimile et les racsegnes ki vont avou.

Pådje

Avou l’ betchete Pådje:, metans Pådje:Djean Nolu - Ene avinteure so Wikisourd, 2020.djvu/1.

C’ est la k’ on boute po riscrire les ouves, sol båze d’ on facsimile.

[...] li resse est co a scrire.