Bondjoû, wèsène, dwèrmez-ve èco (Doutrepont, 1909)

Po ls ôtès ouves avou l’ minme tite, loukîz el pådje d’ omonimeye : Bondjoû, wèsène, dwèrmez-ve èco.

Ciste ouve ci egzistêye eto divins ds ôtès ortografeyes : Ortografeye Henrotte, 1844 —  Ortografeye Lebierre e måmdiyin, 1901 —  Feller Delbouille, 1938 —  Rifondou walon.

s.n.

Bondjoû, wèsène, dwèrmez-ve èco

rortografiaedje da Auguste Doutrepont

Les Noëls wallons, 1909

[ 129 ]

Bondjoû, wèsène, dwèrmez-ve èco

[ 130 ]

1.

Bondjoû, wèsène, dwèrmez-ve èco ?
Dispièrtez-ve : dji vou pårl’ a vos.
Dispièrtez-ve don, dji v’s è prèye ;
drovez voste ouh, dji so ravèye
di cisse musique qu’on tchante å haut :
Gloriya in-èxcèlsis′ Dêyô (bis).

2.

Qwand n’s-årans stu a deûs′ treûs mèsses,
nos vêrans cial magnî dès cwèsses,
si magn’rans-ne ine aune di tripe,
— n’èst-i nin vrêy, cusène Magrite ? —
èt s’ beûrans-ne deûs′ treûs bons côps :
Gloriya in-èxcèlsis′ Dêyô (bis).

3.

Matante Kèt’lène èsteût là d’vins
qui féve on bon batis′ å vin.
Voci v’ni Bièt’mé so l’ fait
avou dès oûs tot plin s’ tchapê,

[ 131 ]

èt Marôye qui loukîve å trô :
Gloriya in-èxcèlsis′ Dêyô (bis).

4.

Compére Èrnou dit tot passant :
Qui fez-ve la, tos mès bês èfants ?
Tint-on cial on staminê,
qu’ons î tchante èt qu’ons î braît ?
Lès andjes rèpètint å haut :
Gloriya in-èxcèlsis′ Dêyô (bis).

5.

Ṑ, nèni ciète, compére Èrnou,
c’èst-in-èfant qu’èst novê-v’nou.
I-èst si bê, i-èst si plaîhant :
dj’ n’a måy vèyou parèy èfant ;
on dit qu’ c’èst l’ fi du Très Haut :
Gloriya in-èxcèlsis′ Dêyô (bis).

6.

Djans don, corans, tos nos bièrdjîs,
è Bètlèyèm vèyî l’ Mèssîe !

[ 132 ]

C’èst-ine chôse di vèritåve
qu’i-èst-oûy né divins on ståve.
Corans-î tot d’on plin saut :
Gloriya in-èxcèlsis′ Dêyô (bis).