Moman a r'trouvé s'gaiy visadje
Et s' bon sorîre èt tot s' coradje.
Fini dèl vôye les ouys rimplis
Di lârmes qui n' vlénn't jamais sètchi.
Li papa, dins tote li rnaujone
Mwinne in disdû ! ah, i s'è done.
I tchante, i crîye … est-ce qu'i d'vént fou ?
On li cause vatche, i rèspond boû !
On rît, on djipe, on z-est binauje ;
Qui c'est bon d'mète si cœûr à l'auje
Quand il a stî lontimps stréndu !
Li docteûr a dit audjourdu,
En piçant li p'tit pa l'orèye:
« Tapez èvôye totes ses bolèyes,
» Qu'i s'lève, asteûre, quand i vôrè,
» Et dins yût djoûs, on m'è r'causerè. »
Vla moman qu'apwate vos guènîyes,
Hop! les couvèrtes, rilèvez vos.
Là! y estoz mi p 'tit bèdo ?
Et l'èfant, tot fwèbe su ses djambes,
Rifait ses premîs pas dins l'tchambe
Etur si moman èt s'papa.
Li vîye est bèle, ces momints là!
Li tite esteut e grandès letes. L' accint so « bouneûr » sorlon di l'ortografeye di « docteûr » ådvins do tecse.