Brouheûrs
Schoûtez Lucyin Mahin lu-minme
Ene broûheur a côper å coutê
Lu Spètin
Vz î ratind.
Ene supècheur a buker d’dins;
Ki v' ravôteye divin s' crouweur
Ki v' ratwarteye divin s' mateur.
Do bon timp po s' aler neyi
S' aler efagni o sankiss;
S' aler essanki o brôwiss;
Plonker din les bolants såvlons;
Del Håye-ås-Bûs
S' aler forvôyi el Blantche Fagne;
Toumer din l' frède êwe du l' Almache
Apici på Pépé Crotchet,
U l' Ome-å-Havet.
Lu Spètin, si v' vlèz
Vz î min'rè.