C’ èst ène rowe ki toûne…
… èt ki nos spotche
— Grosse pèzante rowe —,
Èt ki disface
Li vwès dès-omes.
Pitits lingaedjes dicwelixhants
K’ ont hossî èl banse tant d’ èfants,
Vo v’ la moudris,
Språtchîs, finis ;
Èt l’ vuze di vos djins dvént halotche,
Sins rèfudjom.
Mins ås êreûrs d’ on novea djoû,
Cwand lès spotchants åront leû daye,
Dins lès ptits payis, on samroû
Vénrè hûzer dins lès ramayes
Leû ravicance,
Leû noûve èfance.
Damadje ki dji n’ serè pus la
Po l’ rafiya
D’ leû ravica.
Note Wikisourd
Tecse eplaidî avou on ptit motlî.