Cinse emacralêye
C’ est èn ome bén moussî ki tome e pane avou s’-t oto, e plin mitan del tchampagne : i leve li capot et cmince a rawaitî e moteur cwand il etind ene vwès ki dit :
— Ça doet esse les boudjiyes !
Come i s’ ritoûne, i voet ki c’ est on tchvå ki lyi a cåzé ; i court disca l’ since et dire å cinsî :
— Ci n’ est nén-st a croere ! Dji vén do toumer e pane et vosse tchivå m’ a vnou dire ki ça dveut esse les boudjiyes.
— Mi tchvå ? Li ké ? On ptit, on grand, on brune ou on noer ?
— C’ esteut on grand noer !
— Obén vos n’ avoz nole tchance : c’ est djustumint li ci ki n’ kinoxhe vraiymint rén e l’ mecanike.
André Mottet, li 18 di nôvimbe 2018