Dins la paujîre nut′
‒ bin.n-in.mêye nut′ ‒,
waî la stwâye
ami la twâye
du nwâr cièl û ce qu’on-z-ôⁿt dès tchansons.
Èst-ce lès-andjes qui zûnèt d’ène façon ?
Èt la stwâye è moustré
lu staule du prèmî Noyé.
Gn-è dès bèrdjîs
qui r’mouwèt l’ pî
pou-z-acouru
dlé l’ abatu
û qu’ Marîye, dins sès brès, tint lu p’tit :
in pâpâd qui va tchandjer l’avni
du miyons d’ djins s’ la Tère.
Çu s’rè l’ pus grand dès mistêres.
Su in neûd d’ fustu,
il ont tourtous v’nu
vèy l’èfant
dèdja causant :
« Non.nè nosse mére n’èst nin à blâmer.
C’èst l’ choufla du Bon Dju qu’è ovré.
Dj’apwatrê djôⁿye èt pauye
èt l’ pus grand boneûr qu’i-gn-ôⁿye.
Riscrît avou l’ accint walon d’ Transene, avou l’ aidance da Marcelle, Gilles et Olivier Robert, Marie-Line Dabe et Dimitri François li 21 di decimbe po on tchantaedje å Noyé.