Disseûlance
Li nute si plake so mi åme come on båjhaedje di feme.
Di l′ôte des costés d’ Mouze, li beaté s’ a winné
Et s’ loumire avå l′ aiwe kisseme des blankès plomes.
A l′ baye, ene cope si vént aspoyî
Et leus åbions dansèt
Et pidjolèt so l′ aiwe avå les bokets d’ lune
Et d’ blankès plomes ki s’ kitoirtchèt.
Ene nûlêye passe, rén k’ ene,
Mins ene måheulêye
Ki rapoite a crås-vea
Totes les nutes di l′ annêye !
Et sins k’ on poye dire wice,
E l′ disseulance des cais,
Ene sakî brait…