Dj’a m’ tabeûr, mès clic èt mès clac

Ciste ouve ci egzistêye eto divins ds ôtès ortografeyes : Divant-Feller (7 coplets) —  Gothier 1889 (I) (10 coplets) —  Gothier 1889 (II) (12 coplets) —  Rifondou.

o.n.c.

Dj’a m’ tabeûr

rortografiaedje d’ ene djin nén cnoxhowe

À tot spiyî, 2017

Dj’a m’ tabeûr, mès clic èt mès clac

I.

Dj’aveû-st-ine si måle måråsse
Trop′ matin ’le mi féve lèver (bis)
Èle m’èvôyîve al prêrèye
Po lès crås pourcês wårder
Dj’a m’ tabeûr, mès clic èt mès clac
Èt s’ a-dj’ mi vièrlète à m’ costé

II.

Èle m’èvôyîve al prêrèye
Po lès crås pourcês wårder (bis)
Avou ’ne pitite coyène di lård
Èt ’ne crosse di pan tot tchamossé
Dj’a m’ tabeûr, etc.

III.

Avou ’ne pitite coyène di lård
Èt ’ne crosse di pan tot tchamossé (bis)
Qwand dji v’néve3 è-mé lès prés
V’la qu’ dji m’ mètéve à cwèrner
Dj’a m’ tabeûr, etc.

IV.

Qwand dji v’néve è-mé lès prés
V’la qu’ dji m’ mètéve à cwèrner (bis)
Lès pourcês c’mincît-st-à rîre
Èt totes lès trôyes à danser
Dj’a m’ tabeûr, etc.

V.

Lès pourcês c’mincît-st-à rîre
Èt totes lès trôyes à danser (bis)
N’a pus qu’ine tote pitite trôye
Qui n’ poléve si cou miner
Dj’a m’ tabeûr, etc.

VI.

N’a pus qu’ine tote pitite trôye
Qui n’ poléve si cou miner (bis)
Lès pourcês l’ prindît po l’ pate
Tot d’hant : sot-m’ vét vos dans’rez
Dj’a m’ tabeûr, etc.

VII.

Lès pourcês l’ prindît po l’ pate
Tot d’hant : sot-m’ vét vos dans’rez (bis)
Dj’aveû-st-ine si måle måråsse
Trop′ matin ’le mi féve lèver
Dj’a m’ tabeûr, etc.