Dji v' riveus todi tote bele, fine sitinduwe sol banc d' såvlon
Et l'êwe del mér di s' sigoter, to fjant des pieles so vosse djeron
Vos rwêtîz l'êwe, tote tuzineuse, avu l' solea coume on sordjou
Dazard ki v' sondjîz a låvå, houte del mér ki vz îriz on djou
Cisse tchanson cial
Ci respleu cial
Cand dj'a sondji
A v' rabressi
A dmeru la
Sol plage vola
Cisse fåvirète
D'on grand djouwete
K' a stî maké
Pa vosse beaté
Ossi tinrule
Ossi sinsiule.
Vos n' mi cnochiz nin dja beacôp; mi dji m' compteu o paradis.
M' avoz vèyu li boke å lådje, tins k' vos tuziz a dz ôtes payis?
Cheur nen pôy ki z avoz nnalé lon d' vôs soçons, lon d' vôs parints
Cweri après vos ratayons ki vnin paret-i did ben lon.
Ci zûnêye la
Ci hûzêye la
Rapinse li rôze
Tote frisse disclôse
On djou d' bontins
Tot å matin
(manke co 6 vers)
Eyu vuss do yesse pus awreûs k' addé l' esse et to seus no deus?
Ki nos choûtrint l' tchanson del veye, coume nos choûtans djômyî nosse feu.
Paski dji v' inme
To coume ene rinne
Å diyadinme;
Dji v' vu da minne :
Dji so bleu d' vos,
Bleu, reud bleu sot.
Li rfondou scrît cial, c' est ene cogne di 1996.
- gn a co k' "ea" come betchfessî scrijha
- on saye di disfafloter a make (pupont d' long "i" scrîts "î, ni d' long "u" scrîts "û", ni d' long "ou" ortografyîs "oû"; on rvénrè e-n erî so ces ponts la, tot wårdant tolminme li disfaflotaedje des <eû>. Les troes ôtes voyales dimeurront disfaflotêyes divant ene vuzlêye cossoune (rîle Mahin, 1997).
Li tecse respectêye li tipetape d' ene tchanson e francès da Bruno Picard. Si esteut i tuzé po-z esse tchanté e walon par lu. Mins les fråzes et les idêyes sont foirt lon erî do mwaisse sicrijhaedje.
Li tecse n' a måy sitî tot scrît (on est dins l' "moite såjhon" di l' oteur). Li dierin passaedje : "Ki nos choûtrint l' tchanson del veye..." disca "... Bleu, reud bleu sot." a stî rfwait e 2020, po l' eplaidaedje so Wikisourd.
Eplaideye insi dins Singuliers 4/2020