On sminçon d' four
Ki fwait ene emantcheure[1]
Dins vos bèlès croles;[2]
Ratindoz k' dj' el discole !
Ene rodje copixhe
K' esteut dzo, ki ramxheye[3]
Dins vos noerès tresses;[4]
Ratindoz k' dj' el kitchesse ![5]
Fele come ene fritche,
D' on côp vo l' la zouplêye
Dins vosse gavêye;
Ratindoz k' dji l' î rpexhe ![6]
Ele m' a schipé
Foû des mwins, s' a stitchî[7]
Dins vosse longue mantche;
Ratindoz, dj' el dismantche !
Vo l' la ki mousse
Dizo vosse cote di dzo[8]
Dins vosse djeron;
Ratindoz k' dji vs dismousse !
Pus k' vos soketes
Po lyi fé ene catchete;
Peu k' ele ni s' î rtire
Ratindoz k' dji vs les tire !
Gn a ene bele fleur
E mitan di çk' i dmeure;
Peu k' ele ni s' î rmete,
Ratindoz k' dji vos l' code ![9]
Pitite copixhe
Ki grevisse et ramxhî,[10]
Vén co t' î tchôkî !
C' est twè ki fwait l' petchî.
Ene ramixhe copixhe
Ciste ouve ci egzistêye eto divins ds ôtès ortografeyes : Ène ramiche capiche (Feller).Ene ramixhe copixhe
Ene ramixhe copixhe
- ↑ Mwaisse modêye, ritche rimaedje « fûr » / « amantchûre ».
- ↑ Mwaisse modêye, cwate-pîtaedje do troejhinme ver (pont d' coron -ès a « bèles »).
- ↑ Mwaisse modêye, ritche rimaedje « capiche » / « ramiche ».
- ↑ Mwaisse modêye, cwate-pîtaedje do troejhinme ver (come ciddé ådzeu), avou l' cogne « nwâres ».
- ↑ Discandjaedje do viebe « tchessî » replaecî pa « kitchessî », po rawè on pî, pierdou di cåze do prono coplemint (« dj' el » estô di « dju la »).
- ↑ Mwaisse modêye, ritche rimaedje « flèche » (prumî ver) / « r'pèche ».
- ↑ Mwaisse modêye, ritche rimaedje « chipé » / « stiké ».
- ↑ Mwaisse modêye, ritche rimaedje « combinaîson » / « djeron »; li mot « combinaîson » shonna on francijha å coridjeu Lucien Léonard, k' atåvla d' el replaecî pa « cote di dzo ».
- ↑ Mwaisse modêye, ritche rimaedje « r'mète » / « cwède ».
- ↑ Mwaisse modêye, ritche rimaedje « capiche » / « ramiche », cial li codjowa « ramiche » est replaecî på codjowant infinitif « ramxhî ».