Mi, cwand dj’ esteu gamén, didins l’ binde, dj’ esteu l’ pus ptit. Et n aveut... li pus grand, ki vneut co djouwer avou nozôtes, c’ esteut l’ Fred Peta.
Et adon, on djouwéve å fotbal, et on tchoezixheut l’ ekipe. Et mi, dj’ esteu todi l’ avant-dierin, paski dj’ esteu l’ pus ptit po djouwer.
Ey adon, li dierin, c’ esteut l’ Fred, don. Li Fred pask’ il esteut l’ pus petchot [petiot]. Ey adon cwand il esteut tot seu et po djouwer shijh conte shijh, et k’ n av li shijhinme, i n’ saveut pus djouwer, l’ Fred. Ey adon, on lyi fjheut l’ role d’ arbite. Mins ti… vos conoxhoz l’ Fred. C’ esteut… i voleut fé l’ fanfaron; i conoxheut tolmonde. Et, don, i shofléve ene fåte, et c’ esteut li grande bagare, don. Adon, ti n’ aveus k’ a dire adon : ‒ Fred, c’ esteut l’ Fred Peta ‒ « Li Peta ki monte sol troye ; li troye a vessé et l’ Peta a volé djus. »
eredjistré a Gobtindje li 13 di djulete 2020