Lès ouhês
Dji pwèrtéve è djârdin lès rèsses di m'tchèt. Il èst si tél'mint glot qui féve acori tos lès mohons dè vwèzinèdje. Dji r'loukîve deûs d'cès-chal qui discutît èssonne, onk dihéve à l'ôte: "Tchofile, louke on pô si n'vint nou tchèt, dji m'va rate magnî on bokèt". L'ôte responda: « dispêtche-tu mi ossi dj'a fin ».
C'èsteût gâye à veûye. Li prumî apice ine bètchèye pwis, rouf so l'âbe, pwis l'deûzinme fa parèye èt i r'sinmît leûs betchs, gonflît leûs plomes pwis fît ètinde leûs huflèdjes di contin'mint. Bijou, nosse tchèt èsteût coûkî à solo avou 'ne pate so l'oûy.
Il èst si tél'mint nawe qui n'si dèrindje nin po si pô d'tchwè, dji m'dimande s'i coûr'reût co po 'ne sori?