L’LIEFFE EIÉT LES GUERNOUYES.
In Lieffe, raboulottét dain s’fosse,
Ruminèt tout seû dain s’cabosse ;
Quoé v’lai fai quand on n’pou d’visé avét n’saqui !
— « Jé su rindu d’sét-ti ! ét j’dai assét d’viqui !
« J’trianne dé foét et d’peu ! Allô c’est s’tenne misére !
« On m’chesse au chin, au plon ! au furet, dain m’nerpére !
Lès geins in passe nu ostant q’mi :
« Claus, goutte, maû d’dint, maû d’tiesse, usét, paufe, alami !
« Si vont dain l’Pâradis, quand i feye nu l’culbutte,
« Pouquoè n’né leû donné tout d’chutte ?
« L’sin qu’est môrt èst bin môrt !! et i léye tout padrî !
« Tint souffru pou moèsi ! Pouqué viqui si vî ?
— « Chût ! choutons ! v’la du brü ! c’est co enne algarade !
« Nîa né à tôrtiyi ! évoye et copu rade.
« Jé m’va dé vire dés griches ! J’ai l’vesse, et j’su strindu !
« Patatraque ! mé v’là desquindu !!
— I prin sés jambes à s’palle ; i va bougrémint roêt,
I sautelle au d’zeu d’in fossèt ;
Et s’qui n’voêt né n’binde dé Guernouyes,
S’estichi au pu rade, dain leüwe et les berdouyes !
— Bin dé v’là ieune, disti, couyon comme in galeu,
« C’est mi qui leu fai avoé peu !
« J’voés bin q’si lés geins m’foute nu l’vesse
« A d’zautes j’in fout ostant dain l’tiesse.
T’taussi couyon qu’on soét
On trouve toudi pu couyon q’soé.