IA l’cour creué, ſi fonge & lame,
Quan gy penſe à ſe poue & ſame
Se payſon di nos pay
Qui Salazar à fay mory,
Quia iamae veou es vie
Fé in oſi grond tyrannie ?
O dou binamé Seigneur Diet,
Et vo amor di ſainct Lombiet
Edurrefico ſis patience
Sen puny ſis mechonte ſimence,
Qui fe mory le bon Cruſten
Qui iamae ni le firin ren,
Diuen li prop peneuſe ſameine,
A temps qu’il bon Diet a fay l’cene,
Qu’on n’deu fé otchoy qu’oraiſon
Et qui fa penſé al paſſion
De doux Ieſus, fé penitence,
Po aueu pardon d’nos offence,
Qui no fat allé à qu’feſſion,
Et riſur li ſainct Comunion,
On quar auon l’malaoureux
Et v’nou comme in arregy leu
Ma ſacré ce poue enocen,
Et pij to ſou qui l’auen,
O dou Seigneur di parady,
Ny merit ty nin des puny ?
Qui dial ti fa Colin Badou
Qu’es laid qui t’a t’on fait paou ?
T’auis to fin plen d’anoemenſe,
Qui ta ton fait di qu’as epenſe,
Padiet gy ſo amiton moit,
Gin a pu pon d’ſubſtonce & coir,
Gi ſo fou d’ſonc, li cour mi tronne
Gi creu quig ma ſerré le vone.
Su ſen fé baico di diſcour
Lai no ſauu ſou qu’ta ſol cour,
Aſſide on po & nol raconte,
Riprend tialen li cour ty monte,
Id falich toy charna Pirſon
Get li de vinaic & grognon.
Sin ſieret rin ſu pren corege
Li coleur li r’uint & viſege.
Quimen ſonc loyal de Gaſpar,
Ni cez aparlé d’Salazar ?
Qu’a vinou ſorprend le flamen
Enſi qui fi Diet à iarden
Si Iuda quel vina bahy,
Men y fou puny dis pechy
Y ſaly pend à on ſaou
Salazar el pou fé ſi vou,
Ou ſi lu meſme nel vou nin fé,
In y at ico de mais aſſé.
Gif ſen aſſeure qu’ons & trouureu
qui ſrin l’office pu qu’on voireu,
Sordiet ſommiame ſi gin voiro
Bin fé l’office ato m’ſaro,
Po r’vengy me poue camarade,
Il areu ſi dierenn’ ſalade.
Quimen à to afnou diua
Su racont nol enſi qui va.
O houtem don po vel fé coute
Gif el diret ſen dire in boute,
Il & v’nou to fan in bel mine.
Diuen on vieg di Flamen,
Dimandant d’y logy ſe gen,
Le payſon qu’eſtint armé,
On dit qui ne volin rin fé,
Qui l’Empereur nel voleu nen,
Et qui l’irin cont ſi mandmen,
Et cont li ſi di nos bon Prince
Quin vou nou ſodar es prouince,
Etendant ſoula quat y fay
Si fin lopet, ſi fa houlpay,
Il y at allé din oot façon
Dimandant treu cent patacon,
Le prometton toute aſſeuronce,
Et qu’on le freu mae pu nuiſonce,
En iuron de grond ſerimen,
Qui firint y le poue Cruften ?
n’il lialin ti nin acuerdé,
Penſant qui ſierint aſſeuré,
Ils attira par bay ſemblon,
Fou de vieg diuen le chon,
Et quan il & tint as manire
Y fit tourné ſe gen carire,
Si le fi ty to eſerré,
Torto qu’tey & maſſacré,
Et ſel a fay torto d’mouſi
Leu prop chimixhe & le d’xhaſi,
Si vouin ty toué l’Curé,
Po ſou qu’ils allef quifeſſé.
Iuſtement quid paſſef tola
I’atouma à ſis biſcot la,
Veant toué le poue Tixhon
Gim reſpouna dry on bouxhon,
Et crendan d’avu on co d’balle
Gim ietta to long ſom forſalle,
Gin vveſef hanſi ne gemy,
Mae gin penſa ſi bin mory,
Quan g’vea qui fourint evoe
Gy mouſſa diven in bas voe,
Quig veef bin qu’alef to dreu
Diuen on vieg qu’in y aveu,
Aco quig penſa entré en
Vorcy ſe mie dal qui rifnen,
Tot enſi qui des arregy,
Po v’ny d’robé & po piy,
Onc em vie gy neu ſi grond dou,
gy penſef vey m’dieren iou,
I’en alla aldilonc din xhor
S’allag mouſſy diuen on for
to cho, gy fou quaſi broulé,
Et le piou qu’menſint à monté
A la parade aua me ren
Si moirdin ty qu’il arregen,
Gi penſe allé prend’ del toubac,
Vola ces dial crié maſac
Gel iet la gi qu’menſe à penſé
O bon Diet quin ſog quifeſſé,
Efty poſſibe qui ſe mie diaque
Nim lairon nin vei l’iou l’Paque,
Gy qu’mença à dire me patnoſſe,
I’eſteu moir in falleu qu’il foſſe,
Im hapa on ſi grond ma d’vende,
Quig fi me maronn’ tot & plente.
Si fou in ſaquoy d’bon pormy
Ka ſi fou ſoula quim ſauy,
Y tappef in odeur pol cho
qui feue fur to le fi dalgo,
Ka in allin quan ſentin l’gos
To iuran le bouta dios,
Oſſi ſiet ieſto aſſuré,
qui nouc di ſet ny mettreu l’né.
En fin quan leurin to piy
Tot le mohon & l’prop moſty,
To ſou qu’in y aueut & viege,
Le bies, le meule & to l’barnege,
Il a pris le poue payſon
Po le fé pay leu ranſon,
Dihan ſi nel volin nin fé
qui le freu to harquibuſé,
De ten qu’on feue enſi l’biſcot
Le pove & tiexh crien heer God,
qui ſeſteut in ſi grond pitié
Qui ieu l’cour amitan creué.
Padiet s’ne nin l’fay don Cruſten,
Dihans ico quis ſon no gen,
Mae noullu n’nos & a ton fay,
Prendé fionce à ſe houlpay,
Pij l’Egliſe eſty po ereur ?
N’at nin paou qu’nos Seigneur,
Nel fastot aſteur abiſmé ?
Vola bin lon del riparlé,
Moir aiou ſi nos euoleu
quin no prendef ty & bay [i]eu,
Vveſreu ti bin ? houté pad[ie]t,
Nos auan Monſeur ſen Lombiet
Nos bon Patron & ſis digne ame
qui le freu vei feux & fl[a]mme.
qu’in vont ti query leur enmy
Sen v’ny branſcaté nos pay,
Nos eſton to bon Ca[t]holique
Men non volon nih es del ligue,
No volon mentny to coſté
Noſt ancienne neutralité.
Fé on te fay, dy ſen menty,
A vos iugment qui merit ty ?
Por my gi dy po l’honnoré
qu’il fareu bin ho releué.