POMPIER.
.png)
Lijwet ji kreu ki vo savé
Koncernant l’Gârd Civique
Kon n’nè va fé dè Gârd pompiers
K’ la prindron l’ gimnastique
 feu so lè teû maneuvron
La faridondaine la faridondon
Si sèrèt kurieu a veyi
Biribi
À la façon de Barbari mon ami.
El plèç d’arme sèret deux seyai
Atèlé el hanette
I pwetron soula â hârkai
Li t’nue serèt komplette
I fron kékè rèpètition
La faridondaine la faridondon
On broul’rèt n’ mohône po sayi
Biribi
À la façon de Barbari mon ami.
Del nut kwan l’tambour lè houkret
Ou l’clok di kék’ èglise
Tott li Gâr Civique si livret
Po alé fé l’ service
È si mâk onk’ dè bataillon
La faridondaine la faridondon
I sèrèt sévèrmin puni
Birbi
À la façon de Barbari mon ami.
I pou arivé k’il tambour
Ni dispiètret personne
Et ki fârèt fâte di secour
Leyi broulé n’mohone
K’on lè mett a contribution
La faridondaine la faridondon
Po payi souki ârèt pèri
Biribi
À la façon de Barbari mon ami.
Ji kreu k’ gna on mweyin fameu
C’et d’lè prév’ni d’avance
Ki l’ jou di d’vant ki gnârèt l’feu
K’ seyiesse al’ permanence
Avou leû seiyai ratindront
La faridondaine la faridondon
Jusk’a tan kon vinss lè houki
Biribi
À la façon de Barbari mon ami.
Ji vou waji ki d’vin kék’ timps
Ki to no gard civique
K’en kampagne i n’ craindron pu rin
To seû d’findrôn l’ Belgique
Avou leu hârkai i bouhron
La faridondaine la faridondon
Tan ki seyiess maiss di l’ennemi
Biribi
À la façon de Barbari mon ami.
Asteur ji kreu k’lè zabitant
Dwèmron sin z’inkiètude
Puski v’la kon dit k’in zâran
Dè gârd di joû et d’nute
D’han k’lè gârd civique son bin bon
La faridondaine la faridondon
Dèss jinné po no z’autt ainsi
Bibibi
À la façon de Barbari mon ami.