Les caïetresse
I.
Ji va v'chanter n'pasquèie qu’est fait' so les caïetress'
Tos les moyen qu’ell's ont, c’est po braguer leu tiess'.
Ell's ont des peigne et des glingon
Qui costet des dix patacon
S’ont-ell' des liv' d’argint ferré
S'in savet-ell' ni A ni B.
II.
Mais c’est curieux d’les veïe â vêppe et âx priire
Allez, vos m’poloz creure, allez s’vos volez rire,
Elles ont leu live li cou-z-â haut.
I n'ya so mi âme à rire si sau.
Mins qwand v'louquiz ine feie leu tiesse
Vos d'hez so l'côp : « c’est des caïetresse. »
III.
Qwand ele si porminet so l'dréve di So l’Avreu,
C’est po fer des clignettes à tos les vîs moncheu,
Mais c’est des mamjheles à clicotte
Elle flairèt comme dè l'poureie jotte,
Ele divrît bin on pau s'cachi,
Çou qu’elle poirtet n’est nin payî.
IV.
Eco n’direut-on rin si ell' ni d'vahî nén
Qu’elle polahî nn'allez avâ les voyes francmint.
Sins qu’on n’braireut nin après elle:
Vinez m’payî, don, grande dam'selle
Appoirtez-m’ qwinze patars li meu
Jè l'riçuret d'on cour joyeux.
V.
Elle n’ont jamâïe si sogne qui qwand fait dè timpesse
Qui les hautès måhonn' ni toumesse so leu tiesse,
Elle sont si hautes, dreutes élèvaie
Qui j’ pih'reu fou po l'chiminaie
Ca si ji m’dressîve on pau dreut,
Avou m’main, j’arrivreus-t-â teut.
VI.
(J’a stapé ês leu couhenne, li pavé est tot mouhi)
Des arincret ine aune long qui pindet â planchi.
Et leu fornea tot plein d'crition,
Et leu foumes tote pleinte di wandion.
Et s’n’a-t-i nin on trô ês poisse
Qui n’ seuïe rimpli di neurès biesse.
VII.
L’aut' jou à l'fiesse â Pont, j’enn' emône eun' danser,
Avou ses manche à bouffe très bin rebouillonné,
Mi qu’est'on pau (trop) malicieu
Ji piça eune avou mes deugt,
J’prinda m’chapai po m’excuser,
So l'côp ji fouri pardonné.
Li boket inte åtchetes n' est nén dins l' mwaisse live).