BISTOQUE AU LECTEURE :
Pou l’sîn qui s’crî n’saquoè, on coèt qu’ilèst d’usâche,
Qui prèsinte rade ess’live, à in haut personnâche,
Avèt dès coûps d’chapias, du bru, et du flaflas,
J’coës tous lès geins égaux ! I nia né dimbarras,
Què j’feye droci ostant d’ramâches,
C’live-ci c’est pou t’tertous, comme lès oûs du paucecâche,
Ou, s’qui chai dain l’panîi, au tins d’Sint-Nicolas,
L’sin q’ça li fra plaigi m’lira !
J’ai scri pou l’bin d’t’tertous, sain z’esbrouffe, sain vintrie,
J’n’ai cachi què n’saquoè : vo fai rire enne bouchie,
In d’sant dès vérités, mai, à mode dè biestrie.