I.
Les djonnes baguèt tchaeke a leu toû
Po-z aler fé leu vicåreye
Lon erî di leu ptit viyaedje.
I lzî fåt teyåtes et cinés,
Magnî des fritches a l’ môde inglesse,
Ou bén des « tchôds-tchins » mayonesse.
E l’ måjhone, pont d’ televuzion.
A l’ shijhe, on djouwéve å coyon
Avou les parints, les soçons.
Gn aveut ene boune doréye sol tåve,
On riyeut e s’ dijhant des fåves,
Etot bevant l’ peket ki rtchåfe.
Resploe
L’ ritchesse, c’ est l’ air di nos grands bwès,
La ki les grands ciers s’ î batèt.
Cwand les såvadjès åwes passèt,
Hinêyes, coleurs s’ î comaxhèt.
II.
Leus tayons boutént des longs djoûs,
Ene salåde ås kertons å dbout,
Et l’ dimegne ene poye et des oûs.
Leus salådes crexhént dins l’ corti,
Les poyes ponént dins leu poli,
L’ blanc pwin cujheut dins l’ vî forni.
Dès pemes, des biyokes, des ceréjhes,
Nén dandjî d’ end aler atchter,
Gn a ki l’ schåle a mete po les code !
Des poyes, ene gade et troes bedots,
On coshet ki magnéve did tot,
I n’ divént on franc a persone.
å resploe
Les grands bwès
Ciste ouve ci egzistêye eto divins ds ôtès ortografeyes : Feller.Les grands bwès
Lucyin Mahin (l' eplaidant ezès documints des scoles di Bive),
Les grands bwès