Li Frimouche èt l’Cok d’awous’
Li Coq d’awous’ qu’aveût tchanté
Tot l’osté,
Si trova don fwèrt måcontint
Qwand arivît lès måvas timps.
Pus nole bètchèye, nè n’pitite myète
Di quéquès mègnes ou bin d’mohètes.
Ele ala brêre famène
D’lé l’frimouhe, si vwèzène.
Lî d’mandant à pruster
Saqwantès grin.nes à bètch’ter,
Disk’à l’an.nèye novèle…
Dji v’påy’rè, lî dit-st-èle.
Divant l’awous’, dji v’z-èl promète,
V’rårez vos grins, èt tote mi dète.
Eune frimouche ni prustèye gote.
Vochal li mwinse di sès dèfôts :
Qui fîs-ve don vos, qwand i féve tchôd ?
Dimanda-t-èle à li p’tite sote.
Nut’ èt djoû, à totes les eûres,
Dji tchantève, di totes mès fwèces.
Vos tchantîs ?...come ine ôrkèsse ?
Eh bin, dansez, tant qu’asteûre !
Note Wikisourd
Li scrijheu eploye cial li walon d' Lidje.