Nos estans firs di nosse pitite patreye,
Ca lådje et lon, on djåze di ses efants.
Å prumî rang, on l’ mete po l’ industreye
Et dvins les årts, ele riglatixh ostant.
Nosse tere est ptite, mins nos avans l’ ritchesse
Des omes sincieus k’ anôblixhèt leu nom.
Et nos avans des libertés timpesse :
Vola pocwè k’ on-z est firs d’ esse Walons !
II.
Di nosse passé cwand c’ est k’ on lét l’ istwere,
On s’ recresteye vormint a tchaeke foyou.
Et nosse cour crexhe cwand c’ est k’ on tuze al glwere
Di nos vîs peres ki n’ avît måy pawou.
C’ est gråce a zels ki ns djouwixhans del påye.
Il ont språtchî l’ innmi dzo leu talon.
On ls a rclamé les pus vayants k’ i gn åye :
Vola pocwè k’ on-z est fir d’ esse Walon !
III.
Pitit payis, vos k’ a tant d’ grandeu d’ åme,
Nos vos inmans bén, sins k’ nos l’ breyanxhe tot hôt.
Cwand on vs kidjåze, ås ouys montèt nos låmes
Et nos sintans nosse cour bate a gros côps !
N’ åyîz nole sogne et vikez e liyesse,
Di vos efants, les bresses et l’ cour sont bons.
Et nos avans les tchveas foirt près del tiesse :
Vola pocwè k’ on-z est fir d’ esse Walon !
IV.
On s’ voet voltî inte frés del Walonreye
Et on-z est presse onk l’ ôte a s’ diner l’ mwin.
On fwait plaijhi bén sovint sins k’ on l’ deye.
Nouk ni s’ håynêye cwand c’ est k’ i vout fé l’ bén.
Li tchårité ki mousse el måjhinete
N’ î va k’ al nute avou meye precôcions.
Li pô k’ on dene on nel dene k’ e catchete :
Vola pocwè k’ on-z est fir d’ esse Walon !
Li Tchant des Walons (rif. Sarachaga)
Tchanson e walon da Théophile Bovy (cåzaedje, 1900) et Louis Hillier (muzike, 1901) divnou l' ime del Walonreye e 1998, rimetou e francès adon
Ciste ouve ci egzistêye eto divins ds ôtès ortografeyes : Mwaisse modêye
— Feller namurwès (Louis Bodart) — Feller carolo (Jules Vandereuse) — Feller nivelwès (Paul Collet) — Feller-Haust — Feller-Francard-Mahin.Li Tchant des Walons
rortografiaedje da Pablo Sarachaga e rfondou walon
1900 (mwaisse); diviè 2000 (rifondaedje Sarachaga)
(emey tchapele pa ene båshele di 8 ans)
I.