Li bijhe et l’ solea s’ margayént

Ciste ouve ci egzistêye eto divins ds ôtès ortografeyes : Feller-Léonard.
Li bijhe et l’ solea s’ margayént
rortografiaedje da Lucyin Mahin, e rfondou walon

Li bijhe et l’ solea s’ margayént

Li bijhe et l’ solea s’ margayént. I vlént chake ki c’ esteut lu l’ pus foirt. Mins vola k’ il aviznut on voyaedjeu k’ arive, rafûrlé dins s’ paltot. Et i tchaiynut d’ acoird po dire ki l’ prumî ki parvénreut a fé roister s’ paltot a nost ome, sereut waitî come li pus fel.

Ça fwait ki l’ bijhe si mete a shofler d’ totes ses foices. Mins, å pus k’ ele shofleut, å pus ki l’ berôleu sereut s’ mantea åtoû d’ lu, si bén k’ al fén, li bijhe a rnoncî a lyi fé roister.

Adon, li solea a cmincî a lure, et å dbout d’ on moumint, li voyaedjeu, k’ esteut restchåfé, a roisté s’ camizole.

Et ça fwait ki l’ bijhe a bén dvou rconoxhe ki, li pus foirt di zels deus, c’ esteut l’ solea.