Li bijhe et l’ solo s’ disputént, tchaesconk assurant ki c’ esteut lu l’ pus foirt, cwand i veyît-st on voyaedjeu ki s’ avancive, efurlé e s’ mantea.
I toumît ambedeus d’ acoird ki l’ ci k’ arivreut l’ prumî a disvôtyî l’ voyaedjeu di s’ mantea sereut rwaitî come li pus foirt.
Adon, li bijhe li prumire ataca-st a shofler di tote si foice, mins å pus k’ ele sofléve, å pus ki l’ voyaedjeu si ratoirtyive dins s’ mantea ; eyet al fén, ele rinonça-st a l’ disvôtyî.
Adon c’ est l’ solo k’ ataca-st a loumer, ey åd bout d’ on moumint, li voyaedjeu, bén eschandi, oista s’ mantea.
Ça fwait ki l’ bijhe diva bén ricnoxhe ki c’ esteut l’ solea li pus foirt di zels deus.
Ci tecse a stî scrît pol mape del Beldjike del waibe do Djåzant atlasse éndjolike des lingaedjes di France et d’ pattavå pol pont Lidje 2 (onglet « rifondou walon ») ey eredjistré e 2020. Il est rschoûtåve cial, prononcî avou èn accint sovint raprepiant l’ ci d’ après Lidje.