On djonne sôdâr qu’on c’mandait po l’ârméye
Quitait Biaring.
En sospirant, i d’djait à s’ bininméye
Dj’ su bin chagrin
Dji pièd lès djambes, dji n’saurè montè l’tiène
Dj’aî l’coeûr si p’tit,
 ! Si bintôt, dji n’ rivin à l’Faumène
I m’faut mori.
En tot r’waîtant li clotchî di s’ viladje
I somadjait.
Et co cint côps au c’mincemint di s’voyadje
I s’ritoûrnait.
Volà, d’djait-i, mi maujone èt v’la sène
Braît-èle ossi ?
 si bintôt, dji n’ rivin à l’ Faumène
I m’faut mori.
Au bout d’ quéque timps i sondjait qui s’maîtrèsse
L’avait roviyi
Et l’pôve valèt, i ‘nn’aurait pièrdu l’tièsse
Ou-z-è langui.
Maîs on bia djoû, èle li vint tirè d’pwène
Elle avait scrît
 ! Si bintôt vos n’riv’noz à l’Faumène
I m’faut mori.
Vo-l’-là, su l’ côp après awè lî s’lète
Tot ragaîyi.
A l’ègzêrcice i c’minçait à s’rimète
Avou plaîji.
Dj’aurè di-st-i, quand mi masse sèrè plène
Quéques djoûs d’condji.
Et dj’èrirè fè on toûr à l’Faumène
Po n’nin mori.
Li djonne sôdâr
Ciste ouve ci egzistêye eto divins ds ôtès ortografeyes : Rifondou walon.Li djonne sôdâr
Air : Gastibelza