Li pantalon trawé (Duvivier)

Po ls ôtès ouves avou l’ minme tite, loukîz el pådje d’ omonimeye : Li pantalon trawé.

Ciste ouve ci egzistêye eto divins ds ôtès ortografeyes : Feller-Piron — Rifondou walon.

Charles Duvivier de Streel

Li pantalon trawé

1868

[ 1 ]

LI PANTALON TRAWÉ,

Par Ch. Du Vivier de Streel.

Air : Te souviens-tu.

I.

Vi sovné-v bin, Linâ, m’chér kamerât,
Dè fameû tin de grand Napoleyon ?
Ki no rivni to stourdi del salât
Ki lè Kôsak no d’nît à kô d’kanon.
N’z avî de mond’, to le piou, tot le bies,
N’z avî l’narenn è le deû ejalé :
Et noz avî d’vin ko traz e traz ples,
Nos pantalon, nos pantalon trawé,

II.

Ji m’e sovin kom si c’esteût asteur,
Ki to pasan â triviè d’nos payi,
No n’avî nin in dimèy got à beûr ;
Sin nol astâche noz alî so Pari.
J’âreû volou dir dièwâd à Lisbet,
K’el ratindah, k’el ni d’véf nin s’presé :
Mè po m’ mostré ji n’esteû nin hayet ;
C’est on m’ mâleûr k’on pantalon trawé.

III.

J’esteû portan ja divnou kôporâl
E j’esperéf bin vit pasé sorjan :
J’areu polou mînm divni jenerâl ;
J’m aveû batou sin fey kom on brigan.

[ 2 ]

J’areût awou tot swit li kreû d’oneûr,
On bè ploumè e dez abi brozdé :
Mêz on n’sâreût avu bêkô d’boneûr,
Kwan ç’è k’on pwet on pantalon trawé.

IV.

Kwan no rivnî, noz estit al Holant ;
Lisbet s’aveû di m’ratint anoyî :
L’esteu marièy, mi tristes fou bin grant ;
Mè k’es-k’on wâgn di s’pint ou di s’neyî ?
Kom ji pola, j’rakomôda me hâr ;
A jenerâl ji m’ala prézinté :
Mê d’kôporal, ji r’divna simp sodâr,
Grâs â kosteur di m’ pantalon trawé.

V.

Divnou flankeûr dvin le kanifichtônn.
On m’rimoussa, j’eûrit on pantalon ;
Ji magna m’sô, ji divna kom on mônn,
Mi k’aveû stu kom on vî jvâ d’goson.
Mêz on kmandéf d’on si drol di lingach.
Le kô d’baston ni fî ki de rolé ;
Ji m’anoya, ji souwa kom in kach,
E ji r’greta m’ pôf pantalon trawé.

VI.

J’esteû nâhi, awè siet, je l’pou dir ;
Mê k’es-ki c’è, ji n’saveû nou mesti.
J’n’âreû sawou mây rintrét el houyîr ;
J’înm li grand èr, ji n’sâreû m’rakranpi.
Mâ to don kô vola k’gna broy-manech.
Et k’à Brusel onz ô l’kanon rôlé :
J’le planta là, sin l’zi dir bon voyech ;
J’prinda m’sâro e m’pantalon trawé.

[ 3 ]

VII.

Ji m’a batou kom on bon pâtriot,
J’a stu blesî, j’a mâ to mez ohê,
Ji n’dimant rin, e n’pou-j ni l’hay ni l’trôt,
Ka l’dial todi chèy so l’pu gro hopê.
Voz ôt, Mesieu, k’ont awou tot lè ples,
Vo, k’so nos do noz avan fè monté :
Ni rouvî may ki vo d’vé vo riches
A vî sâro, â pantalon trawé^[1].

1. On a cru devoir respecter l’orthographe de l’auteur.