Po z’ ataké :
(cåzaedje ene miete diferin do tecse)
Il a stou constrût en dij-yût cint septante-cinq. Ça a duré cwand minme catwaze ans[1], paski en dij-yût cint nonante-noûf, ça a stou fait.[2]
O viyâdche di Gouvy, face a l’ èglîche, vos plo an’miré cis grande dimorance, anciènne mahon d’ mèsse do docteûr Scheurette, longtimps knochou come tchèstè « De Pottèr » poz ataker; asteûr «tchèstè d’ Gouvy », fwèr bin mètou e valeûr.
A divni propriété communâl.
Vos r’markré avou si dominance so on magnifique parc !
Nos estant châl riçû èt invité di nos mayeûr, di l’ échvinat èt di to lès ovrîs èt ovrèsses, qui sin zèl cis fiesses n’ areû polou èss mètou so pîd.
Pitite parenthèse so l’tchestè Depottèr (klinik di campagne) do timps d’l’ ofensif dès Årdènes. Cis propriété adon lodjan Leon Depottèr èt s’ famile a stou réquisiçiônée pâ l’armèye allemande po sièrvi d’ hospitâ militaire. Li grand salon fouri mètou come sâle d’ opérâçion. Li haule d’ intréye (pwèce) è sâle d’ atinte, lès tchampes è dôrtwèr lès payâces a minme li parquet. Lès blèssés estint opèré di totes lès manîres. On l’zî côpeû minme on brèsse ou one djambe sin l’z’ èdwèrmi.
(prononçaedje coinrece)
Come lès médiquamint estint rare on l’zî n’eû one bonne rasade di p'tit pèkèt. Brâmint mori èt on lès rastrindeû djondant dèl poiytrèye divan dèl’z ètèré o courti avou djûs one creûx d’ bwè è leû n° d’ matricule.
(cåzaedje ene miete diferin do tecse)
Durant l’ bombardumint d’ Gouvy, one bombe di mèyes kilo touma èt pèlouse divant l’kinik. On sôdârd allemand fouri èsèvli vikant dès r’toumèye di tèrre. As’t’ avou del t’chance qui ses sossons l’on vèyou, è s’on polou l’sâvé.
dit a l' après-nonne di Gouvi pol fiesse ås lingaedjes walons, 27 di setimbe 2015.
Li scrijha -è pol Cawete -ea riprezinte dandjreus on son_ê_rinflé noté /æː/ sol Wiccionaire walon.