Lu noyé d’on bribeû
Cisse nut′, on n'ôt qu'dès airs du fièsse
Hiletant a s'è d'mantibuler,
Tot-rade, bin sûr, ile vont aler,
Lès grossès clokes du nosse parwèsse !
Divant qu'on n'vasse, a l'prumîre mèsse,
Hoûter l'tènôr… ou s'èsoketer,
Pusqu'on-z a djîse èt d'qwè beûreter,
È nosse coulêye, on rêy timpèsse…
Djondant, dj'ô qu'on droûve one finièsse :
C'èst l'wèzène, djint sépe èt kègnèsse,
Qui mèt′ dè pan so l'raspouya.
I-årè stu bèni d'vant doze eûres,
Ca l'toûrsiveûse bihe l'a fait heûre
El boke d'on pauve. I s'è r'lètcha !
Note Wikisourd
Sicrît li 24 di decimbe (1900).