One tote bèle pome pindève a l'brantche,
Aye, one bèle pome, mawe èt ros'lante.
One tote frisse flate, sutâré là,
Dùzo l'pomî, l'apostrofa :
Bondjoû, bèle pome, quù v'èstoz bèle,
mè l'ôte nu v'léve nin ôre l'appèl.
èle n'avéve wâde dù s'mète si bas
quù d'rèsponde a cisse plate flate-là !
Treùs fî-è-rote lôte lù r'hoùka
bondjoù, bondjoù, aye bondjoù va !
mè l'pome nù v'lève rin ôre ma fwa
èt co jamês n'li rèsponda.
On grand côp d' vint fuza toumer
nosse pome qu'èsteut bone à pèler
lù flate d'on côp ruscorèdjî
su r'mèta c'one fî a l'houkî.
Bondjoû, bèle pome, quù v's'èstoz bèle,
mè l'ôte nu v'lève nin ôre l'appel.
élé n'avève wâde dù s'mète si bas
quù d'rèsponde a cisse plate flate-là !
One vatche passa èt s'magna l'pome,
lù flate tchanta on « Te Deum »
ar'vèy, bèle pome, qwand tu r'vinrèt
adon, tot sûr, tù m'salùw'rèt.
Lu pome èt l’flate
Ciste ouve ci egzistêye eto divins ds ôtès ortografeyes : Rifondou walon.Lu pome èt l’flate
Femmes d’aujourd'hui lº 49 do 3 d' decimbe,
Lu pome èt l’flate