- 394 —
---
On n'ô pus rin à l' cinse : lu ruv'nant è-st-èvôye,
On l'a quâsî rouvî, i fait tranquille duspôye.
Qwand qu'on s'è d'vise èco do l' sîse du timps in timps,
Marèye louque su bounhonme qui l' rulouque tot keut'mint,
Is hagnèt so leus leppe, po n' nin s' foutter à rire,
Is gna qu' zelles qui savèhent qui quu c'èsteu lu spire. —
L' mére ourelle po l' moumint dès fâhe et dès lign'rai,
Elle côpe do l' teuye po fer dès ch'mihe et dès drapai.
Tricote dès p'titès châsse à jour èt à brosdore,
Et, po lès boniket, s' pougne li siève du musore.
Çu n'è pus lu même gin ; ju tuse qu'elle rajônit,
Elle tint foirt du s' fiâsse qui s' tramm'têye et s' ponit,
Qu'ouverre comme on béche-pâ, qu'è si bon à Marèye,
Vôreut-elle bin aute choi d' mî qui l' bonheur du s' fèye ?
Tot çou qu'on pére, one mére, du bon jà sohait'reu,
C' n'è qui d' vèye sès èfant contint et awireux.
