Madame Narret eiét ses deux mesquennes

[ 76 ]

MADAME NARRET EIÉT SES DEUX MESQUENNES.

(La Vieille et ses deux Servantes.)

Madame Narrét avét deux mesquennes dain l’vi tins,
Magritte eiét Vîctoére,
Elle les fiét travayi à r’laye à filé s’lin,
Du matin jusqu’au soère.
Quand s’coq chantét, avèt l’piquette du joû,
Elle sautlèt rade dain s’cotte, r’l’ugeante dé n’crache toute noère.
Pou couri à leu lit comme enne sorcière !
Les rinvéyi du coup.
Magritte restindét s’bras, Victoère douvret in ouye,
Toute desbauchie dé s’vire su leû pids si matin,
Elles mastînint l’coquia, în l’maltraitant d’arsouye ;
Qu’in jou ou l’aute, i passrét l’gout du poin !
In joû qué l’feume Narrét, estét d’allée à messe,
Elles vont quai l’coq, eîét l’li coupe nu l’tiesse !
Ça sti co pire aprét ! l’vie gale au pu p’tit bru,

[ 77 ]

Comme in Sara s’autlét su s’cotte !
A leu lit courét comme enne sotte,
Coèyant qu’il ai matin, lés fiét r’lèvé par niu.

MORALE.

Choutét Colas in conseye pa m’n’histoére :
« C’est q’quand on vique à milant bin su terre,
« I faut l’téni ainsi, sain s’plinte et sain bougi,
« Pasqu’on n’gangne jamai rin in v’lant toudi cangi.