Margurite

Ciste ouve ci egzistêye eto divins ds ôtès ortografeyes : Ortografeye do scrijheu — Rifondou walon.

Ferdinand Davaux

Margurite

rortografiaedje da Lucyin Mahin

1903

I.

Margurite å boird del pî-sinte,
Vos estoz bén franke, èm shonne-t i !
Si on passant vneut a vos prinde,
Èn serîz nén mî e paxhi ?^[1]

II.

N' estans ns nén fwaites po esse codowes
Po ene di vos zines d' on momint,^[2]
Ou pal fåceye esse abatowes
Cwand ci n' est nén på pestelmint ?^[3]

III.

Codowes, ns estans les rinne kifiesteye,^[4]
On nos mete dins on bea bidon
Disk' å moumint ki, stant passêyes,
On nos fote dins l' batch å tcherbon !

IV.

Cobén d' fleurs èn sont pus waiteyes ?
— I n' è manke nén so no monde sot ! —
Dabôrd k' ele sont ene miete flaneyes,
On les abandnêye e rixhot…

Pî-notes

1. Li rîle des troes cossounes ni permete nén li spotchaedje di « s(e)rîz »), et dene on pî d' trop; po rawè l' pîtaedje : « e paxhi » estô di « dins on paxhi ».
2. « onk di vos caprice » (sins spotchaedje di « d(i) ») dene on pî d' trop; adon, « zine » est prins estô d' « caprice », po rawè l' pîtaedje (avou ça k' c' est on mot pus walon).
3. « pestelmint » po « piètin'mint » del mwaisse modêye.
4. « kifiesteye » po « chwèyéyes ».