En lijant lu pak d'ekselence du Marie-Martine Schyns, dju m'è aporçu ku s'feume là volét a to pri rumète lu walon din les scoles.
Après deux ou treu sumwin.ne du tusadje, dj'avé trovu lu solution !!
Din nosse Ardene, fallé z'èn'alè veye les èfants din les scoles minme.
Lu prumîre sucole, c'è sté à Transine, è ç'astét nosse ami Lucyin ki s'è colè à l'ovradje, pusk'i conuchét l'histwère do viadje.
Après cu visite là, lu compte rindu asté fwart bon car visiblumint, les gamins astint fwart atirè par çoula.
Après les vacances dol Tossint, dju m'è mi a prinre des rindé-vous din plusieûrs sucoles do cwin afin d'èn'alè veye les gamins du primaire èt mî, les 4,5 è sijime primaire.
Kan dju sono, les directeûrs astint bin binôche d'one pareille proposition.
On perdé rindé-vou din les djous qui sujint èt en arivant din les classes, on veyét d'one pôrt, lu contintmint des enseignants, mès ossu lu kestionmint din les ouyes des gamins.
Dju cmince don mu eksplication ainsi « bondjou, dju su Dimitri Francwè, è dju vin v' côsè do walon »
A pon.ne ayant eu dit çoula, ku lu momint magic arive car c' è à çu momint là ku lu pu grand silence su fét, èt ku dj' vè tos les gamins bin concentrè so ç'ku dju va dir'.
Dju n'è ku 50 ou 6O minut' (çoula dépend des sucoles) mais dju côse bramint è dju l'zi eksplik' so one ligne do timp, l'histwère du no dialek'.
Ensuite, dju l'zi eksplik' pokwè, on ramine lu walon din les sucoles insi ku lu nécesitè don walon rufondu.
Po sûre, dju l'zi dène des moyen d'aveur do walon tol'timp ad'dé zès come les BD, les liv', les CD, etc...
Po clonre l' eûre, dj'elzi eksplik on pon dol gramère, pu dju l'zi fé lire on tekste en walon.
Kan l'imersion è finie, dju discute deux mots avu les professeûrs ki sont enchantè d'aveur oyu çu cours là.
E mu v'la r'voye din one ôte scole.
Suite à coula, on espère todi veye des djins ki vèrint o cours du walon, mè çki è sûr anut', c'è k'a pôrtu du sètimbe, les professeûrs ôrant lu droit d'aveur des cours por zès, è çoula ôs promotions sociales du libromont afin d'aprinde à leû tour è din l'futur, du dènè des cours ôs gamins.
Com dirit nosse camarade Lucyin, lu tiesse (les minis') è tchonde po z'y alé, lu bas è tot ossi tchon po aprinre, c'è donc à nos-ontes du fé lu maksimum po rimète les djins so l' voye du l'aprentisadje des dialetes du nos ayeux.