Nos deûs
Quand vos m’âroz lèyî
Tot seû d’zo li stwèlî,
Èwou passeroz vos vièspréyes ?
Aus blankès nîves d’iviêr,
Quand vos-âroz vos niêrs,
Sondjoz-î à nos blaméyes !
Quand vos m’âroz rovî,
Sins rin po v’s-asblouwî,
À qwè passeroz vos vièspréyes ?
Dji m’èdwâmerè on djoû,
Vos m’ riveûroz su l’ soû,
Vos m’ ratindroz d’vant l’ pèséye.
Èt si Sint Pîre vout bin,
Vos m’ richûreroz nos mwins,
Po dès novèlès vièspréyes