One tote pitite tchapèle
Faureûve co yèsse pitit,
Crwêre totes lès coloutes
Qu’ont machuré tès nids,
Faureûve co qui t’ boutes.
Si t’as roté ’squ’à-r-là
Nwêr come one gayète,
Si t’as couru véla,
T’as sûr faît bèrwète.
One tote pitite cayute,
On’ uch, pont d’ fènièsse,
Jusse po t’î mète à yute ;
Astampé, su crèsse.
One tote pitite tchapèle,
Al copète, one crwès,
Mièrseûle dizo lès stwèles,
Au mitan do bwès,
« One tote pitite tchapèle,
Po m’î r’mète au r’cwè ?
On mauvî qui chufèle,
Èt dji so li rwè. »