Po l’ qwârt d’heûre, âx affair’ dè l’ veye,
On borgeû n’ sâreût trop′ tûser.
C’est houie èn hût qu’on vôte ! (Bis.)
Savez-v’bin qu’fât d’in’ oû (ter) v’ porrîz fer mâquer l’ vaute !
Crahay, qui vouss′ mi mette ès l’ tiesse ?
Qu’est-c’ qui j’a d’ keûr’ di tes raisons ?
Mi, qwand c’est qu’on m’ jâs’ d’élections,
Ji toûne à neûr’ biesse !
L’aut’ fey’, po l’ zinc di Saint-Linâ,
C’esteût l’ môd’ di s’toper s’narenne ;
A c’t’ heûr’ c’est in’ vach’ qu’a l’gomâ :
C’est co dell’ pufkenne !
Awè dai, vî, vos rèchîz d’sus,
Mais c’ n’est qu’ po fer les qwances ;
So voss’ vôy’ vos bouh’riz tot jus,
S’on v’dihév’ : minez l’danse !
Vos vorrîz, d’ sos noss’ vî Pèron,
Es l’ sâll’ dè l’ Régence,
A Lîg’ dinner l’ ton !
Si v’ savez l’air d’ennè fer fi,
Biribi,
C’est à l’façon dè Barbari,
Mon ami.
