Pådje:Alcide Pryor - Qui vout esse â Conseye, 1863 (in ASLLW t.1 p.167-181).djvu/3

— 169 —

BAIWIR.

Air : Des Comédiens.

Pa, ti d’ vins sot, pa ti prinds boûf po vache ;
Ji beus mes pint’, ji moqu’ di tot çoula.
V’là sih sept ans qu’ c’est todi l’ mêm’ ramage ;
Mi, j’aim’ mî l’fôr qui tot’ ciss’ botiqu’ là !
 
A l’maison d’veye on s’fait dè mâva songue ;
A l’fôre à Lîge on n’fait qu’rire et chanter ;
A l’maison d’veye’, li séance sonl’ trop longue ;
A l’fôre on z’a trop pau d’timps po hoûter.

A l’maison d’vey’, si v’fez l’fricasseû d’féves,
Tos les gaz’tîs v’toumet so l’casaquin ;
A l’fôr’, so l’ham’—boum, boum, pus’ vis r’mouéve,
Pus est-c’ qu’on brait : Vivât po l’Harliquin !

A l’maison d’veye, on v’dit d’payî d’avance ;
On deut promette âx gins pus d’bour’ qui d’pan.
A l’fôr’, Païass’ vint dir’ : Ji n’vous vos censses
Qui si v’s estez contint d’mi tot sôrtant !
 
A l’maison d’veye on va s’marier po rire,
Dispôie quéqu’ jous ; — mais c’est d’vant l’échevin ; —
A l’fôre on prind in’ feumm’ dè l’mêm’ manîre,
Mais sins régiss’ l’affair’ si pass’ foirt bin.

Jan, ti d’vins sot, jan, ti prinds boûf po vache,
Ji beus mes pint’, ji m’moqu’ dit tot çoula ;
V’là sih sept ans qu’c’est todi l’mêm’ ramage :
Mi, j’aim’ mi l’fôr qui tot’ ciss’ botiqu’ là !