Cisse pådje ci a stî coridjeye ey est l’ minme ki l’ sicanaedje.
— 126 —
J’a-st-appris l’wallon
Tot jouant âs campinaire,
Âs mâie, â dragon,
Dizo l’bleû cîr, ès plein air.
R.
Ah ! ji v’s aime, lingage di m’patreie,
Vî wallon, hossîz mes oreie
Jusqu’â dièrain joû di m’veie.
3.
Qwand divnou pus grand,
Fîr di mes vingt an,
Ji cora les bal, les fiesse,
J’a bon d’y songî ;
J’oia gazouyî
Ès francès m’prumîre maitresse.
Main did’vant çoula
Li voix d’ine mére â coûr d’aur
Ès wallon m’diha :
Mi èfant, mi p’tit trésaur.
R.
Ah ! ji v’s aime, lingage di m’patreie,
Vî wallon, hossîz mes oreie
Jusqu’â dièrain joû di m’veie.
4.
Li lingage francès
Todi nos sièvret,
On l’jâse avâ l’monde étir ;
Grâce à lu j’dirès
Qui les peupe si d’net
Les main po d’zeu les frontire.
