mint li meskèyowe âmône di 4 à 5.000 francs l’annêye !
C’est trop pau d’choi.
On fait pus d’onque qui d’l’aute et ci n’est nin jusse.
On n’pou nin continuer à d’ner les crâssès tâtes âx Flaminds, et qui l’Wallon d’meur là po dè pan tot sèche.
Si disqu’à c’ste heûre i n’a co nouque qu’âye songî à mette li deugt so l’plâye, torate elle si va èvêlmi.
Il est timps qu’on s’el dèye : Si l’affaire si porsût comme on l’a miné disqu’à c’ste heure, li jeu k’mince à flairî, et i toun’rè à chin. (Rires.)
Rit’nez bin c’raison là !
Li Wallon aime ottant s’vîx lingage et ses auteurs et ses théâtes qui l’Flamind aime les sinnes.
Et à m’sonlant, i n’a rin d’pus bai qu’çoula, d’on costé comme di l’aute. Aidî l’peûpe à wârder et à rinde todis meyeux ses p’tits honiesses plaisirs, c’est li warranti l’caractère qu’il a d’bai, tot li acertinant dè l’franque jôye ossi sovint qu’à s’tour.
C’est po coula qui nos estans d’accoird so çou qu’on fait po les Flaminds. Nos avans por zels li meyeux coûr dè monde, et ji pinse qu’is nos l’rindet bin.
Nos n’ volans nin qu’on ’lsî r’sèche ine aidant. Mes k’pagnons et mi, nos vôtrans reutaballe çou qu’est promettou po l’Tîhon. (Hilarité.)
Mains nos comptans bin qui vos n’frez nou
