Cisse pådje ci a stî acertinêye pa deus contribouweus.
— 17 —
JOSEPH
Vos ârîz s’tu bon po prêchî savez vos Colas.
COLAS
Si ji n’esteus nin chal po v’s rapp’lez qui vos d’vez jâsé âx pére da Cathrène.
JOSEPH
Ji sos si fou d’mi qui j’a rouvî l’pére Mathî
CATHRÈNE tot gienneye
Ji volév’vi cachi çou qu’ça passé, mins i vâ co mîx qui jel deie.
JOSEPH
Qu’a-ti ? Vos m’mettez sos des s’pennes.
CATHRÈNE
Vos mônonck et m’papa sont batou, li flamint s’enn’a mèlé et m’papa a r’çu on côp d’hov’lette sos l’tiesse.
COLAS
Wiss sont-ti batou ?
CATHRENE
Chal i n’a qu’on moumint.
JOSEPH
Mi mononck ? Poqwèt ! sâreus-ti batou, lu qu’est si pahûle.Nel savez-v’ nin Cathrène (Colas ramass’ on fleurè)
CATHRÈNE
Ji n’ sé çou qui m’papa volév’ dire, i jâsev’ di toucher, dès côps d’bottes et ji n’sé tot qwet.
COLAS
Mi jel sé bin. Vèyez-v’s çoulà ?
