Cisse pådje ci a stî coridjeye ey est l’ minme ki l’ sicanaedje.
— 6 —
COLAS
Adon on pout s’risqué, ainsi Cathrène c’est houïe li côp âx gèyes.
CATHRÈNE
Pourvu qu’ça vâië bin.
COLAS
N’avez-v’s nin dit a voss’ papa qui Jôseph riv’nez-v houïe.
CATHRÈNE
Ji n’a co rin dit.
COLAS
C’est l’twére qui vos avez st’avu, ca mâgré qui voss’ papa a d’né s’parole à Jôseph, i poreut co bin l’risèchi, surtout qui j’sé co bin qui n’a onck qui kwire à v’ni cial por vos.
CATHRÈNE
Por mi.
COLAS
Awèt c’est st’ainsi.
CATHRÈNE
Ji voreus bin savu quî c’est ?
COLAS
Quî c’est, pa c’est Yann’, li kaizèrlique.
CATHRÈNE tot riant
Colas, po s’côp cial, ji creux qu’vos blousez.
COLAS
C’est portant bin ainsi, c’est Groubiotte qui m’la dit, i sont tot fer essonle. Qwand on veut Yann’, on veut voss’ papa.
CATHRÈNE
Groubiotte freut baicôp mîx di s’taire.
