Pådje:Constant Simonis - Mi voèsène Bertine, 1904.djvu/5

Cisse pådje ci a stî coridjeye ey est l’ minme ki l’ sicanaedje.
— 4 —
Bertine (rissèrant s’live, tote èwarèye)

Qu’ avez-v’ don voèsène ? N’a-t-i on mâlheur arrivé ?

Li Voèsène (si k’toèrchant et fant des grimaces)

Wave ! ji vins di m’broûler, louquiz on pau s’il possibe…

Bertine (mostrant l’sèyai)

Herrez-l’ vite ès l’aiwe.

Li Voèsène (li main ès l’aiwe)

N’est-ce nin mâva dè mouyî les brouleûres ?

Bertine

C’est tot contes ; choûkîz-l’ bin ès l’aiwe.

Li Voèsène

C’est st’ine saqwè qui fait mâ savez, voèsène. Oh ! ji m’a sintou tote èvôïe…

Bertine

Avez-v’ co si mâ, voèsène ? Volans-gn’ mette on pau d’l’inche dissus ? On dit qu’i gn’a rin d’pareie.

Li Voèsène

Jè l’voux bin, ca v’la qui l’doleur rikmince co. L’aiwe s’èchâffe èdon. Ji sos broulèye comme i fât savez, louquîz on pau.

Bertine (qu’a stu qwèrri li scriftôr so l’ârmâ)

Binamé bon Diu !… (elle lî frotte di l’inche dissus) Bin, gn’a nou risse, vos estez bin arringèye !…

Kimint avez-v’ fait vosse compte don ?