Ça stu tot… waye ! Çoula fait co pus mâ savez avou d’l’inche, frottez-l’ jus allez, voèsène, ji n’sâreus pus durer…
Attindez n’miette, ji vas v’mette on pau dè neur savon è l’plèce. Kimmint n’y a-je nin tûsé pus vite don… Rawârdez, ji vas fer n’bonne èplâce. (elle mette dè savon so on vîx drap, puis mette l’èplâce so l’main dè l’voèsène qui fait todis des grimaces à foèce qu’elle a dè mâ, puis lôye li pogne avou deux treus vix norès) I va dèjà mîx, édôn ?
Awê, mins ni l’èwalpez-v’ nin trop foèrt ?
Nenni savez, mâlhureuse, si vos allîz attraper on freud d’vins…
Mon Diu ! i va co bin qui vos estîz cial, ca ji n’sés çou qu’jâreus div’nou. Qwand vos ârez mèsâhe di mi po n’sôre ou l’aute, vinez m’trover ossi savez, si ji poux v’s aidî tot çou qui j’ârè sèrè st’à vosse siervice.
Awè ! awè ! ci n’est rin d’çoula, voèsène ; ji sos bin binâhe d’aveur polou parvini à v’fer passer on pau l’mâ. Vos v’ravez on p’tit pau à c’st-heure, mins vos estîz tote blanke moète savez. Volez-v’ beure ine pitite gotte po rapicî vosse coûr ?
