Pådje:Constant Simonis - Mi voèsène Bertine, 1904.djvu/9

Cisse pådje ci a stî coridjeye ey est l’ minme ki l’ sicanaedje.
— 8 —
Li Voèsène

Il est d’vins les lettes…

Bertine

Tins, comme li menne, il est facteur ossi paré ?

Li Voèsène

Nonna, il est…

Bertine (sins lï d’ner l’timps d’achever)

Awè, ji comprinds, c’est st’on savant ès seyince. ès belles lettes…

Li Voèsène

Ma foè, voèsène, divins les bellès et les laides sûr’mint, il est d’vins n’imprim’reie à Lîge. C’est st-in’ ovri… Kimmint noumme-t-i çoulà don ?… Typo… typorâve, ji creus.

Bertine

Typographe, volez-v’ dire.

Li Voèsène

Justumint.

Bertine

Adon, i n’rivint nin tos les joûs ?

Li Voèsène

Nenni, ordinair’mint ine feie ou deux par samaîne ; mins vos m’fez r’songî qui j’a co n’saquoè à v’dimander ; comme ji n’sâreus nin scrire po l’moumint, ni vôriz-v’ nin mi siervi d’secrétaire, pom’fern’pitite lette ?