CHAPITRE II.
Usèges et Accostumances. Caractéres.
On a dit avou raison qui les cix di Jus-d’là-Moûse estît on peupe à pârt è nosse bonne veie di Lîge ; çoulà s’ comprind âheiemint ; n’avant rin di r’marquâve ni d’ plaihant po z’akmign’ter personne à leu z’ endrwet comme is polet l’ fer âjourd’hoûïe, on les leyîve là po des peûve et dè sé, on houwéve jusqu’à leu k’pagneie et on n’y passéve qui dè moumint qu’on nn’ aveut vormint mèzâhe, seuïe-ti po z’aller â Châtroû, à Chîvrimont, etc.
A fwèce di s’ hâbiter, les cix des autes qwârtîs div’nît pus gins, dismètant qui les d’seûlés di l’aute costé dè Pont-d’z’-Aches dimanît çou qu’is estît, wârdant leus veïès accostumances, pârlant même on patwès qui n’a nolle rissonlance avou les autes pusqu’is, oute dè jâser lôïeminôïe et d’ s’atouwer, is mouïet tos leus mots, eximpe : Deux feummes si
