Cisse pådje ci a stî coridjeye ey est l’ minme ki l’ sicanaedje.
Proclamation locale
Air de Noël : Grand-pére, vos pwètrez bin l’ fuzik.
Lîdjwès, volà ‘ne Constitucion (bis)
qu’èst fête po l’ boneûr dè l’ nâcion.
I fât qu’ vos l’accèptése,
ca cilà sèrè on broulion
qui n’ vôrè nin qu’ vos l’ fése.
Djans ! corans signer tot dansant, (bis)
nos r’vêrans contints, tot tchantant :
« Volà ‘ne bin bone djoûrnêye » !
Nos sèrans pârins d’in-èfant
qui va fé vèyî l’ vrêye.
On-z-î va lîbe èt sins fuzik, (bis)
i-gn-a nin mèzâhe di bèrikes
po d’hoviért cisse potêye.