Pådje:F. Bailleux, J. Dejardin - Choix de chansons et poésies wallonnes (pays de Liége), 1844.djvu/68

38

CHOIX DE POÉSIES

A la parâde avâ mes reins,
Si moërdint-i qu’ il arègint.
Ji pinse allé prind’ de l’ toubac,
Volà ces dial crié : Massac !!
J’ el jett’ là’ ; ji k’ mince à pinsé :
Ô bon Diet, qui n’ so-j’ kifessé !
Esst-i possib’ qui ces mie diâque
Ni m’ lairons nin veï l’ joû d’ pâques ?
Ji k’ minça à dîr’ mes pât’nosse ;
J’esteu moërt, i n’ falléf qui l’ fosse.
I m’ happa on si grond mâ d’ vinte
Qui j’ fi mes maronn’ totès pleinte.
Ci fout in’ saquoi d’ bon por mi
Ca ci fout çoula qui m’ sâvi.
I tapéf ine odeûr po l’ chaud
Qui féf fûr’ tots les hidalgo,
Ca i nn’ allint qwand sintint l’ goss
Tot jurant les : bonta Dios.
Ossi, ciett, j’ esto assûré
Qui nouk di zel n’y mettreût l’ nez.
Enfin qwand l’eurint tot piy
Tot’ les mohons et l’ prôp’ mostî,
Tot çou qu’i n’y aveût ès viège,
Les biess’, les meûle et tot l’ barnège,
Il a pris les pauv’ païsons
Po les fé paï leû rançon,
Dihant, s’ i n’ el volint nin fé
Qu’ i les freût tots hârquihusé.