Adon, è plin solo blamant d'tos sès pus reûds,
l'ovrèdje kimince, deûr èt sins r'pwès.
Come dès balancîs tofér èn alèdje,
lès aw'hiantès fås moussèt d'vins lès grains.
Li r'lûhant dè fiér passe comme l'aloumîre.
Ine saqwè djèmih èt, d'zos lès tèyants,
lès pèsantès pôtes, prises come d'on toûbion,
s'abatèt so l' tére qui lès-a pwèrté ;
èt, drî lès soyeûs, lès bates si stårèt
a lonkès hièrtchèyes, qui lès racôyerèsses
d'on vigreûs côp d'séye mètèt-st-a djavês.
Ossu, so quéquès-eûres, on n' rik'noh pus l' payis.
Li campagne, ataquêye di traze èt traze costés,
si droûve divant lès fås ; èt dès lonkès-alêyes,
si loukant totès vètes so l' coleûr d'ôr dès grains,
mostrèt l'ovrèdje qu'èst fait. « Qu'on-z-ataque a loyî ! »
brait l' maîsse. Èt lès djavês div'nèt d'on côp dès djåbes,
èt lès djåbes dès tèssês, qui s' drèssèt so lès steûles
a lonkès riguilites. Vos dîrîz-st-ine årmêye
abrotchant foû dèl tére ; mins c'èst l' årmêye dèl påye.
Èle nos-apwète li vèye : l' ome s'ènnè va tchèvi.
IX
Li Vola tchèriëdje dèdja 'ne hapêye qu'on-z-a drèssî lès djábes. fait leû r'djèt, ca vochal lès tchèrètes qui d'hindèt dè viyèdje èt moussèt d'vins lès téres. Li campagne, qu'aveût stu páhûle dispôy quéques djoûs, si r'peûpèle èco 'ne fèye. Tos lès brès' sont-st-èn oûve, èt lès longowès fotches, ataquant lès tèssês, lès d'molèt djâbe a djâbe, po tchèrdjî lès hauts tchàrs d'on grain bin sètch èt qui hil'têye la qu'on l'ètèsse. Totes lès vôyes dè viyèdje sont rimplèyes d'atèlèdjes, qui montèt, qui d'hindèt, onk al vûde, Faute a tchèdje. Ëlle ont sûr
