Pådje:Jean Bury - Joyeux rèspleus, 1899.djvu/28

Cisse pådje ci a stî acertinêye pa deus contribouweus.
— 26 —
SO L’FOSSE DI M’FIS
Air : A noste èfant
1

Mi fis, nos v’nans chal so vosse fosse,
Etindez-nos ! (Bis)
Qui vosse pitite âme houte li nosse
Et ses soglots ! (Bis)
Nos v’s’ apoèrtans totes nos pinsèyes
Avou treus fleurs (Bis)
Qui raspinsront nos jôyes passêyes
Et nos doleurs ! (Bis)

Respleu

Ah ! comme c’est todis bin l’minme pônne,
Todis li minme plâye qui s’doûvrè !
Ine trisse riminbrance fait qu’elle sônne :
Jamâye nosse cour ni v’roûvèy’rè.
Jamâye ! jamâye ! nosse coûr ni v’rouvèy’rè.

2

 
So l’rowe, noste âme est tote mouwêye
S’on dit vosse no…
L’a l’nute, qwand on s’trouve èl coulêye,
Nos jâsans d’vos.
Qwand nos oyans… li voèx des clokes,
Nos v’rivèyans !
S’on mot d’à vosse nos r’tome èl boke…
Turtos n’plorans !…

3

Vos èstîz frisse, vos éstîz rôse,
Vos èstzî bai !
Vos ârzî fait jalottes les rôses
Di nosse cot’hai.
Vos èstîz l’bute di nosse cârîre,
Tot nosse rikfoèrt !
Vosse vèye n’âreut st’u qu’on s’clat d’rîre
Disqu’à nosse moèrt !