Cisse pådje ci a stî acertinêye pa deus contribouweus.
— 5 —
Cantinière di gârd-civique
Chansonnette po feume
Air : Derrière le régimint
1
C’est mi qu’est l’fèye dè gros J’han,
Plan rata plan, rata plan plan plan !
Qui n’est nin si bonne qui l’pan,
Plan rata plan, rata plan plan !
Ji so n’clapante cantiniére
Dè l’gârd-civique di nosse pays,
Avou m’boèsson frisse et clére
Li feu dè l’guérre est sins dingî !
Respleu
Houquîz-m’don,
V’savez m’nom,
Mi bidon
Est d’aplomb.
Mes hûfions
Sont si bons !
Les gârd civiques savet bin
Qui ji n’mi hontêye nin
Qwand is k’mandet (bis)
Li p’tit chiquet.
I fâreut m’vèyî rotter,
Mi tonnai so l’costé
Po marquer l’pas (bis)
J’sos todis là !
